సూపర్ స్టార్ మహేష్ బాబు హీరోగా దర్శకధీరుడు ఎస్.ఎస్. రాజమౌళి తెరకెక్కిస్తున్న భారీ బడ్జెట్ చిత్రం 'వారణాసి' షూటింగ్ తుది దశకు చేరుకుంది. ఇటీవల ఫ్రాన్స్‌లో జరిగిన కార్యక్రమంలో పాల్గొన్న రాజమౌళి మాట్లాడుతూ, చిత్రానికి ఇంకా సుమారు 80 రోజుల షూటింగ్ మాత్రమే మిగిలి ఉందని వెల్లడించారు. ఇప్పటికే IMAX ఫార్మాట్‌లో చిత్రీకరిస్తున్న భారీ యాక్షన్ సన్నివేశాలు పూర్తయ్యాయని తెలిపారు. ఈ చిత్రంలో మహేష్ బాబుతో పాటు ప్రియాంక చోప్రా, పృథ్వీరాజ్ సుకుమారన్ కీలక పాత్రల్లో నటిస్తున్నారు. ప్రపంచవ్యాప్తంగా భారీ స్థాయిలో తెరకెక్కుతున్న ఈ సినిమాను 2027 ఏప్రిల్ 7న విడుదల చేయాలని మేకర్స్ లక్ష్యంగా పెట్టుకున్నారు.